EL FILIAL, 1ª Xornada de Lliga

U.P. LLANGRÉU - EULALIA   4   BERRÓN "B"   0

ALINEACIÓN: 1-MARTÍN, 2-OSMEL, 3-JHONNY, 4-EDGAR, 5-JORGE, 6-ÁLVARO, 7-FEGU, 8-RUBÉN, 9-MARIO JAMBRINA, 10-JAVI GONZÁLEZ, 11-CASTAÑO

CAMBIOS: CUCHA, EDEL, DÍAZ Y RAFA RICO

Debutaba el promesas en casa, con varios hombres nuevos. Se incorporaron a la plantilla varios fichajes y otros que el añu pasau ya xugaben en el club, bien en el rexional o bien en el juvenil (que consiguió l'ascensu a segunda). Además, tamien debutaba nel banquillu azulgrana el gran RICARDO TERENTE, col obxetivu de no cometer los errores del añu pasau y conseguir l'ascensu. 

Entamaba el partiu con el contrariu apretando arriba polo que nos 15 primeros minutos se abusó del balon en largo por parte de los nuesos. A partir de ahi, el centro del campu se fizo col control del partiu y entamaron les ocasiones.

En el minutu 25 llegó el primer gol, obra de Rubén Huerdo que aprovechó su velocidad pa ponenos por delante. Esti gol espoleó a los guaxes, que hilaron varies xugaes de méritu y que consiguieron el segundu obra de Fegu tras un rechace del porteru. Hasta el descansu varies oportunidaes más que los de arriba o la defensa desbarataron.

Na segunda parte y col bajón fisicu del rival, la posesión taba monolopizá polos nuesos y llegó el terceru, obra de camacho en un remate en 2 tiempos y un "chicharrazo " de Edel, tras un fuerte disparu dende la frontal. 
Exhibición del promesas que sólo se vio empañá pola expulsión de Rafa Rico tras una trifulca con un rival. Y ye que, el rival dió bastantes pataes a despiempu que el árbitro nun sancionó.
Primeros 3 puntos y lideratu que esperamos mantengan tola temporá. Próximu partiu en Bimenes el domingu a les 5 la tarde.

¡¡¡¡SUERTE GUAJES!!!!

Resumen 3ª Xornada de Lliga

U.P. LLANGRÉU   2   URRACA C.F.   0

ALINEACIÓN: 1-ADRIÁN, 2-JOAQUÍN, 3-VIESCA, 4-PELAYO, 5-BORJA FDEZ ©, 6-KIKE FANJUL, 7-NACHO CALVILLO, 8-CAYARGA, 9-CLAUDIO, 10-LUIS NUÑO, 11-PABLO ACEBAL

CAMBIOS: LUIS x NACHO CALVILLO (20´), MANU BLANCO x CAYARGA (80´), FRAN x CLAUDIO (84´)

GOLES: 1-0 HUGO (PP)(55´), 2-0 VIESCA (92´)

ÁRBITRO: MUÑOZ SUÁREZ (XIXÓN), REGULAR. AMONESTÓ A LOS LOCALES MANU BLANCO, Y PELAYO, QUE FUE EXPULSÁU POR DOBLE AMONESTACIÓN NEL MINUTU 81, Y A LOS VISITANTES LANGARICA Y JAVI

Partíu correspondiente a la tercer xornada de lliga, recibíamos al Urraca que llegaba invictu a Ganzábal, tres l'erru en Noreña que nos quitaba el empate nos últimos instantes, había que consiguir la victoria en casa, pa siguir lluchando pela parte alta, a la fin consiguióse'l trunfu, nun partíu bastante malu per parte de los dos equipos, y ónde la mala noticia foi la lesión de Calvillo, que va tener que pasar pol quirófanu.

Empezaba'l partíu, con un Urraca que venía a defender l'empate, y un Unión que quería llevar la inicativa, asina a los 9 minutos llegaría la primer ocasión del partíu, pase de Calvillo pa Claudio, que tres un regate asiste a Luis Nuño, pero'l remate del pichichi sale bien centráu, y Ricardo atrapa ensin problemes. Nel minutu 15, llegaba la xugada desgraciada de la tarde, nun centru al área, que remata Calvillo, pero topeta nel so saltu con Rony, y el nuesu mediapunta acaba col pómulu rotu, lo que-y va tener de baxa dellos partíos. La lesión de Calvillo dexó bien tocaos a los nuesos, y apenes se vio fútbol  nel tiempu restante hasta'l descansu, cabe destacar una ocasión de Cayarga, nel minutu 22, nun llanzamientu de falta que va al esterior de la rede. Y de ende al descansu nun habría nenguna ocasión destacada per parte de nengún equipu.

La segunda parte empezaba cola mesma aburrición qu'acababa la primera, y el partíu paecía empuestu al 0-0. A pesar de nun haber apenes fútbol destacable nel partíu, nel minutu 55, tendríamos la fortuna de cara, y una falta botada por Cayarga, cabeciala Claudio, pegando'l balón n'Hugo, camudando la trayectoria, y despistando a Ricardo, consiguiendo asina'l 1-0. Nel minutu 67 pudo llegar la sentencia, nun balón que roba Acebal, y cede pa Claudio, que mete un gran pase al desmarque de Luis Nuño, que nel mano a mano con Ricardo crucia demasiáu, saliendo'l balón raspiando'l palu. Nel 73, llegaría'l primer acercamientu del Urraca, nun centru dende la banda de Bermúdez que Sergio remata de volea, el balón pega en Borja Fdez, y cai-y a Langarica, que remata en plancha, deteniendo Adrián con una gran parada. Otra gran ocasión de Luis Nuño, nel 82, que recibe un gran pase de Kike Fanjul, y quédase nel mano a mano con Ricardo, pero'l so disparu pega directamente nel porteru visitante. Y yá col tiempu cumplíu, llegaría la sentencia, tres una gran xugada de Acebal per banda derecha, gana llínea de fondu y da el pase al segundu palu, pa que Viesca, qu'entraba solu dende tras, emburrie a puerta vacía'l 2-0. Asina acababa'l partíu, consiguiendo trés nuevos puntos, anque perdiendo dos xugadores importantes pal próximu partíu, Calvillo por lesión, y Pelayo por sanción. El próximu alcuentru va ser en Miramar, pa visitar a un Marino que nun empezó de la forma esperada la lliga.

Fueya FD-174 Astur 20.09.15

Nesta fueya podrás atopar un repasu a les dos caberes xornaes de lliga, falamos tamién con Berto Cayarga, repasamos el primer partíu de la era Terente col filial, hestories de fúbol.
Disponible por 1 € baxu pidíu vía e-mail.

Resumen 2ª Xornada de Lliga

CONDAL C.F.   2   U.P. LLANGRÉU   1

ALINEACIÓN: 1-ADRIÁN, 2-PABLO ACEBAL, 3-VIESCA, 4-PELAYO, 5-NUÑO, 6-BORJA FDEZ ©, 7-NACHO CALVILLO, 8-CAYARGA, 9-CLAUDIO, 10-LUIS NUÑO, 11-GUILLE MÉNDEZ

CAMBIOS: JOAQUIN x GUILLE (61´), KIKE FANJUL x CAYARGA (73´), JAIRO x PABLO ACEBAL (84´)

GOLES: 1-0: IVÁN SUÁREZ (16´), 1-1: LUIS NUÑO (34´), 2-1: AITOR HERVÁS (84´)

ÁRBITRO: SUÁREZ SUÁREZ (XIXÓN), REGULAR. AMONESTÓ A LOS LOCALES CARLY, FASSANI, MOISÉS, MORI, ADOLFO Y JESÚS LASTRA, Y A LOS VISITANTES NACHO CALVILLO, NUÑO, PABLO ACEBAL Y VIESCA

Partíu correspondiente a la segunda xornada de lliga de Tercer División, visitábamos l'Alejandro Ortea, pa midinos al vixente campeón de Tercera, el Condal, que venía de vencer  2-4 al Tinéu. El partíu foi bien igualáu, meyor el Unión na primer parte, y meyor el Condal na segunda, lo xusto yera un empate, pero los erros arbitrales per un sitiu, y los nuesos propios erros defensivos por otru fixeron qu'a la fin se llevaren los 3 puntos los noreñenses.

Entamaba'l partíu con muncha igualdá, pero según diben pasando los minutos el Unión ganaba en posesión, y llegaes, frutu d'ello llegó la primer xugada polémica del partíu, nel minutu 13, Viesca internase nel área pola esquierda, y ye emburriáu claramente por Mori, casi cayendo consigue dar el pase a Cayarga, que asiste a Guille, qu'en claru fora de xuegu marca gol, el colexáu anula'l gol pol fora de xuegu, pero nun señala'l penalti claru sobre Viesca nel entamu de la xugada. Y tres minutos más tarde, nel 16, na única llegada del Condal na primer parte adelantrábense los locales nel marcador, balón en banda derecha al nuesu ex capitán Carly, que fai un autopase ante Viesca, gána-y en velocidá y llega a llínea de fondu, dende onde unvia'l balón tras, al puntu de penalti, ónde Iván Suárez, llibre de marca remata rasu, esquináu al palu, llueñe del algame d'Adrián. El gol sentó como un xarru d'agua fría a los nuesos, que se víen per debaxo nel marcador cuando meyor taben xugando, y tres munchos minutos de centrocampismu, nos que nun pasaba nada, el Unión volvió a la carga, con dellos centros al área, casi toos per parte esquierda, gracies a Cayarga, pero ensin atopar rematador, hasta'l minutu 34, cuando Cayarga recibe en banda esquierda de Viesca, regatia pa escontra fora al so marcador, y saca un centru precisu, al puntu de penalti, ónde'l pichichi Luis Nuño cabecia a la escuadra, pa igualar el partíu. Veníense enriba los nuesos, y llegaron los meyores minutos del partíu, ónde pudimos adelantranos nel marcador. Frutu d'ésti emburrie llegaba la segunda xugada polémica de la mañana, n'otra magnifica xugada pola esquierda de Cayarga, l'estremu centra al área, y el capitán local Mori estena claramente cola mano, pero l'árbitru, que taba a 1 metru de la xugada decide nun señalar el perclaru penalti del lleñeru central noreñense. D'equí al descansu siguió'l dominiu visitante, con dalgún disparu que salió esviáu de Cayarga, Claudio y Calvillo.

La segunda parte sigue como acabó la primera, col Union apoderando'l partíu, pero ensin xenerar demasiaes ocasiones peligroses, el primer disparu peligrosu llegó nel minutu 63, nuna falta otra vegada de Mori, na que por fin vía la mariella dempués de llevar tol partíu faciendo faltes, sobre Cayarga, qu'el mesmu estremu avilesín llanzó raspiando'l palu. Dos minutos más tarde, nel 65, llegaría la primera del Condal na segunda parte, nuna preciosa chilena de Fassani, tres un centru dende la banda, qu'Adrián estenó evitando'l segundu gol llocal. Nel 84, llegaría la xugada fatídica del partíu, balón en llongura del Condal hacia Zapico, pero Nuño llevaba tola ventaya, pero en vez de ceder de cara a Adrián decide protexer el balón, esperando a que salga per llínea de fondu, pero ante la presión de Zapico, y al ver que'l balón nun salía, tien qu'estenar como puede, el balón sale escontra'l mediu, ónde la coye el local Vicente, que rápido abre a la esquierda, Borja Fernández nun llega a cortar, y Aitor Hervás quédase solu ante Adrián, al que bate con un disparu rasu, pa poner el 2-1. D'equí a la fin, los nuesos intentaríenlo, pero ensin xenerar demasiao peligru, namá nuna xugada yá col tiempu cumplíu, nel 92, nun balón llargu sobre Calvillo, nel qu'el mediapunta intenta faer una vaselina sobre Jesús Lastra, pero'l porteru llocal consigue detener en dos tiempos. Asina remataba un partíu nel que se dio bona imaxe, pero tantu los erros defensivos, como los arbitrales provoquen la primer derrota de la temporada, agora nun queda otra qu'intentar llevantase, y pensar yá nel próximu partíu, nel que vamos recibir al Urraca.

L´almuerzu col Unión

A partir de mañana en Ganzábal disponibles estos dos modelos de caciyos pa tener bien presente dende que nos llevantamos tolos díes cual ye el nuesu equipu y cual ye la nuesa afición.
Al preciu de 8 € la unidá siendo esta primera remesa mui llimita en cuanto a cantidaes.

Ánimu Nacho

Dende Dixebra Popular y en nome de l´afición del Unión queremos mandar un mensaxe de ánimo a Nacho Calvillo y desea-y una rápida y perbona recuperación. Esperamos con enfotu la to vuelta Nacho.

Más pegadielles disponibles nuevos modelos

En la tarde de güei llegaba al nuesu poder una nueva remesa de pegadielles.

Nuevos modelos y otros antigüos reeditaos.

Pa conseguiles sólo teneís que poneros en contacto con nosotros a través de les direcciones de e-mail habituales.

Dexamosvos con una muestra, empapela Llangréu con elles.

Fueya FD-173 Urraca 05.09.15

Ya disponible la Fueya Dixebriega nº173 bajo pedido por tan sólo 1€. Para posibles pedidos ponerse en contacto con cualquiera de nuestras dos direcciones de e-mail disponibles.

Resumen 1ª Xornada de Lliga

U.P.LLANGRÉU   3   ATLÉTICU LLUGONES   0

ALINEACIÓN: 1-ADRIÁN, 2-PABLO ACEBAL, 3-VIESCA, 4-PELAYO, 5-NUÑO, 6-BORJA FDEZ ©, 7-NACHO CALVILLO, 8-CAYARGA, 9-CLAUDIO, 10-LUIS NUÑO, 11-GUILLE MÉNDEZ

CAMBIOS: FRAN x VIESCA (53´), KIKE FANJUL x CAYARGA (64´), JAIRO x LUIS NUÑO (83´)

GOLES: 1-0 PABLO ACEBAL (P) (1´), 2-0 LUIS NUÑO (27´), 3-0: LUIS NUÑO (61´)

ÁRBITRO: FERNÁNDEZ BUERGO (ORIENTE), BIEN. AMONESTÓ AL LOCAL FRAN Y AL VISITANTE PORTO

Partíu correspondiente a la primer xornada de lliga, debutábamos esta temporada en Tercera, como locales ante l'Atlético Llugones, el partíu a priori paecía fácil, y finalmente asina foi, controlándolu de principiu a fin, y consiguiendo una goliada que pudo ser más amplia, si los nuesos tuvieren más certeros de cara a gol.

Na primer xugada yá, penalti a favor del Unión, en un centru dende la derecha, nel que Luis Fanjul balta dientro del área a Luis Nuño, cuando se disponía a rematar. L'encargáu del llanzamientu foi como siempres, Pablo Acebal, que batió a Pablo Herrero con un llanzamientu a la derecha del porteru, primer minutu de xuegu y 1-0 nel marcador. Nel minutu 6, Berto Cayarga, el meyor de los nuesos nel partíu, manda un pase al buecu perfectu, pal desmarque de Luis Nuño, que se queda nel mano a mano  con Pablo Herrero, pero'l so disparu cruzáu va raspiándose el palu. Nel minutu 13, Claudio realiza una gran xugada personal, y en diéndose de trés contrarios, quédase casi ensin ángulu, y dispara al esterior de la rede. Nel 22, llegaría la única llegada visitante d'ésta primer parte, bona xugada ente Porto e Israel, qu'acaba con un pase tras d'ésti últimu, al puntu de penalti, pero Jaime dispara demasiáu altu. Nel minutu 25, Luis Nuño vuelve quedase sólu ante Pablo Herrero, pero nésta ocasión el porteru visitante detien el disparu del nuesu delanteru. Y nel minutu 27, llegaba'l 2-0. Falta nel centru del campu del Llugones, Viesca saca rápido en llargu, la defensa visitante quédase despistada, y Guille aprovecha pa baxar el balón, y dexa-y la en bandexa a Luis Nuño, que bate a Pablo Herrero, pa poner el segundu nel marcador. Y yá al filu del descansu, un centru dende la derecha de Pablo Acebal rematalu Luis Nuño percima de la portería.

Entamaba la segunda parte, y los nuesos salíen daqué más relaxaos, frutu d'ello, el Llugones dio un pasu más alantre, y llegó más al área, anque ensin llegar a xenerar ocasiones clares de gol. Nel minutu 61, llegaría la sentencia definitiva, gran xugada personal de Berto Cayarga per banda esquierda, que regatia a trés contrarios, a unu d'ellos con un preciosu cañu, fai un cambéu de xuegu pa Guille, que de volea mete'l balón nel área, para que Luis Nuño, tamién de volea, marque'l 3-0, segundu na so cuenta particular.  A partir d'equí'l partíu yá quedó sentenciáu, y apenes hubo más ocasiones de gol, dos llegaes del Llugones nos intres finales, del recién incorporáu Dani, qu'arregló ensin problema Adrián. Y una última llegada del Unión, con un centru de Kike Fanjul, al que nun llegó Claudio por bien pocu, en boca de gol. Ensin más acababa un partíu que foi más fácil de lo esperao, y que nos dexa no más alto de la tabla igualando en goles col Urraca, el próximu partíu va tocanos visitar l'Alejandro Ortea, pa midinos al siempres complicáu Condal, nun partíu que va ser perduru, pero nel qu'esperamos siguir dando la bona imaxe dada hasta'l momentu, pa poder siguir sumando.