miércoles, 16 de diciembre de 2015

Resumen 16ª Xornada de Lliga

C.D. COLUNGA   0   U.P. LLANGRÉU   5

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-JOAQUÍN, 5-NUÑO, 6-TURZO, 7-NACHO CALVILLO, 8-KIKE FANJUL, 9-CLAUDIO, 10- GUILLE MÉNDEZ, 11-VIESCA

CAMBIOS: LUIS NUÑO x VIESCA (DES), JAIRO x GUILLE MÉNDEZ (60´), FRAN x PABLO ACEBAL (62´)

GOLES: 0-1 CLAUDIO (15´), 0-2 NUÑO (24´), 0-3 NACHO CALVILLO (34´), 0-4 NUÑO (47´), 0-5 LUIS NUÑO (58´)

ÁRBITRO: BERMEJO FERRERO (XIXÓN), BIEN. AMONESTÓ A LOS LOCALES  LUIS, BUSTA, POLA, JANO, NAYA Y EL ENTRENADOR JOSÉ LUIS RODRÍGUEZ, Y A LOS VISITANTES VIESCA Y NUÑO

Era el del pasado Miércoles un partido que se presumía a priori bastante más igualado que lo que el marcador reflejo al final del mismo. Llegaba el Unión a Colunga ocupando la tercera plaza empatado a puntos con los locales, pero pronto quedo reflejado sobre el terreno de juego la diferencia entre uno y otro equipo. Cierto es que el Colunga posee una plantilla con jugadores de calidad, que fueron más que son, como son los casos de Dani Borreguero recuperado para el fútbol por la “mafia golplusiense” dirigida por J.L. Rodríguez desde el banquillo. Notaron mucho sin duda la baja de Rubén “Posturitas” Menéndez, ex de la era Gómez, en Ganzábal. Intentando suplir su posición en el campo Sergio (el enchufau fíu del entrenador) realavilesinos de pro, o eso vendieron en su día, Judas Abraham con el brazalete de capitán... sin duda un equipo “hinchau” el Colunga que se fue deshaciendo en el partido como un terrón de azúcar en el café de la sobremesa.

Aguantaron 15 minutos las constantes embestidas del “cohete rojiazul” lo que tras varios avisos tardo en conectar un centro de banda a banda Guille Mendéz con el ya pichichi de la categoría “Ave Claudio, los que te van a ver a Ganzábal te saludan” para cruzar ante la salida del desacertado portero local “bocachancla Jano”. Con el dominio en el centro del campo por parte de los nuestros Turzo, Kike Fanjul y Nacho Calvillo hicieron y deshicieron lo que quisieron con un Colunga que sólo lo intentaba a “arreones” surtiendo de balones al del Leroy Merlín (más rechoncho pero con la calidad de siempre) donde las ayudas en las coberturas acabaron por desquiciar al “pocapalabra” de la Villa del Adelantado.

Pasados varios saques de esquina conecto Viesca con Nuño de cabeza para empezar a poner tierra de por medio en el 24´de partido y sumarse a la fiesta visitante. Cabe decir que pese a ser Miércoles y laborable a Santianes se desplazó un nutrido grupo de seguidores del Unión (y eso que era los únicos primos que pagábamos, bueno algunos más que otros ya que el partido para los habitantes de Colunga y Caravia era de acceso gratuito). Diez minutos después llegaba Calvillo para remachar una gran jugada colectiva y llegar al descanso con la sensación de goleada en el pensamiento de todos los allí presentes.Tras el paso por vestuarios de nuevo otro centro de Nacho Calvillo al área con el exterior conecto con Nuño un tremendo cabezazo que cambio por completo la trayectoria del balón y se coló ante la impotencia de los jugadores locales que parecían un juguete roto en manos del Glorioso de las Cuencas (no acepten imitaciones de la Cuenca B).


Hubo ocasiones para meter algún gol más marrando Calvillo a bocajarro una gran jugada personal de Luis Nuño que se internaba por banda hasta la cocina y daba el pase de la muerte hacía atrás no acertando ninguno de los nuestros a remachar, constantes internadas de Jairo (ya alegremente recuperado de su lesión del día de Llanes). Al final sería el propio Luis Nuño quien echaría un balón en carrera sacando dos metros de ventaja a su marca y batiendo a Jano raso por su palo largo.

Después de este cuarto gol, inteligentemente, Hernán decidió dar descanso a jugadores como Viesca o Guille Mendéz cargados de minutos el finde por la convocatoria con la selección asturiana de Regiones UEFA o Acebal uno de los que más minutos acumula en liga por parte de los nuestros, dando entrada a los menos habituales, como Fran pasando a jugar al lateral derecho o Jairo y Luis Nuño.

Destacar el libre directo pitado por el trencilla de turno debido a un comentario realizado por el portero local a una decisión arbitral y que ya con 0 a 5 los nuestros decidieron tirar fuera (acción deportiva aplaudida por todos los allí presentes) o una parada en dos tiempos a un saque de esquina por parte de Adrián Torre a remate de Marcos Arango. Sin más gran victoria del Unión que sigue con paso firme en la lucha por volver a la B.



Resumen 15ª Xornada de Lliga

U.P. LLANGRÉU   2   C.D. LLANES   0

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-JOAQUÍN, 5-NUÑO©, 6-TURZO 7-GUILLE MÉNDEZ, 8-KIKE FANJUL, 9-CLAUDIO, 10-LUIS NUÑO, 11-VIESCA

CAMBIOS: NACHO CALVILLO x GUILLE MÉNDEZ (65´), JAIRO x LUIS NUÑO (77´), FRAN x JAIRO (85´)

GOLES: 1-0 GUILLE MÉNDEZ (16´), 2-0 CLAUDIO (70´)

ÁRBITRO: PÉREZ RATO (XIXÓN), REGULAR. AMONESTÓ AL LOCAL TURZO Y AL VISITANTE GENARO

Partíu correspondiente a la décimu quinta xornada de lliga, recibíamos al Llanes, en bona racha, y consiguimos otru trunfu más, nuna xornada perfeuta pa los nuesos intereses, yá que pincharon casi toos nuesos rivales directos, con ésta victoria asitiamos en 3ª posición, tres la derrota del Colunga, a 5 puntos del Avilés, que ye 2º.



Empezaba'l partíu con dominiu de los nuesos, y asina llegaría la primer ocasión del partíu, nel minutu 7, nun llanzamientu de Viesca dende'l cantu del área, que se foi raspiando'l llargueru. Nel minutu 16, llegaría'l primer gol, nuna unviada llarga de Nuño dende la defensa, que Guille Méndez cabecia de primeres, viendo a Gabri adelantráu, y consigue adelantrar a los nuesos nel marcador, de vaselina. Siguía apoderando'l Unión, y nel 22, pudo llegar el segundu, tres una gran xugada personal de Pablo Acebal per banda derecha, na que se va de dellos contrarios, y centra rasu al área, pero Claudio nun llega por bien pocu, nel área pequena, pa emburriar a gol. A la media hora de xuegu, el Llanes tendría'l so primer acercamientu peligrosu, bona xugada combinativa de los visitantes, que remata con un disparu de Diego Arias, a espetaperru, qu'Adrián estena, con una gran parada. Y nel 36, llegaría la postrera d'ésta primer parte, tres una bona internada de Viesca pola esquierda, que pasa tras pa Claudio, pero'l remate del delanteru lleonés, estenalu baxu palos Diego. Ensin más llegábamos al descansu.

El Llanes salió más metíu na segunda parte, en busca del empate, y mientres dellos minutos pasó a apoderar el partíu, y tuvo dalguna ocasión bastante clara. La primera pa los visitantes llegó nel minutu 52, nun remate de cabeza de Berto Toyos, tres un saque d'esquina, que foi esviada por bien pocu. Nel minutu 60, llegaría la más clara del Llanes nel partíu, Miguel remata perbién un saque de falta, embaxo picada, pero Adrián con un auténticu paradón evita'l gol del delanteru visitante, el balón queda sueltu nel área, y nuevamente Miguel, casi a puerta vacida, unvia'l balón fora, incomprensiblemente, nuna xugada que yera muncho más fácil faer gol que fallalu. Los nuesos fueron espertando, y asina llegaría la sentencia, nel minutu 70, Nacho Calvillo abre a la banda derecha, a la incorporación de Pablo Acebal, que centra'l balón al corazón del área, ónde Claudio remata de cabeza, pillando a Gabri a contrapié, pa consiguir el 2-0, y el so novenu gol ésta temporada. D'equí a la fin, namá reseñar un llanzamientu de falta, del nuesu ex xugador Alonso, nel minutu 90, que s'estrelló na cruceta, y foise a saque de puerta. Con ésto acababa'l partíu, con 3 nuevos puntos, que nos faen xubir hasta la 3ª posición, y la derrota del Avilés dexa asitiar a namá 5 puntos del 2º puestu. El próximu partíu va ser en Santianes, ónde vamos visitar al Colunga, 4º clasificáu, nun partíu qu'ensin dulda va ser bastante complicáu.

sábado, 5 de diciembre de 2015

Resumen 14ª Xornada de Lliga

U.C. CIARES   0   U.P. LLANGRÉU   2

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-JOAQUÍN, 5-NUÑO©, 6-TURZO 7-GUILLE MÉNDEZ, 8-KIKE FANJUL, 9-CLAUDIO, 10-LUIS NUÑO, 11-VIESCA

CAMBIOS: BORJA FDEZ x VIESCA (75´), LUIS x TURZO (80´), JAIRO x GUILLE MÉNDEZ (85´)

GOLES: 0-1 TURZO (44´), 0-2 CLAUDIO (50´)

ÁRBITRO: MARINERO NOVAL (UVIÉU), MUY BIEN. AMONESTÓ AL LOCAL JIMMY Y AL VISITANTE ADRIÁN TORRE

Partíu correspondiente a la décimu cuarta xornada de lliga, visitábamos La Cruz, unu de los campos más complicaos, pa midinos a un Ciares, que taba tres puntos por detrás nuesa, l'equipu fixo un gran esforcio sobre un campu bien pesau, por cuenta de les agües, y siendo cimera a los ciaristes, consiguimos un trunfu importante, de cara a siguir en play-off, y buscar esguilar posiciones, la clasificación nun se mueve na zona alta, yá que ganemos los 6 primeros clasificaos.

Empezaba'l partíu con igualdá, sobre un terrén bastante enllamorgáu, pero los nuesos llueu se fixeron col control del partíu, y empezaron a xenerar ocasiones, los locales teníen tamién dalguna llegada. La primera del partíu llegaría nel minutu 17, nun disparu de Guille Méndez, dende dientro del área, tres una bona xugada personal, que s'estrella nel palu. Y 10 minutos más tarde, nel 27, llegaría la segunda ocasión pal Union, bona xugada per banda esquierda ente Manu Blanco y Viesca, ésti da al mediu pa Luis Nuño, que dende'l cantu del área dexa de cara, pa la llegada de Turzo, que dispara raspiando'l llargueru. Nel minutu 30, llegaría la primer parada d'Adrián, nun disparu del nuesu ex delanteru Rubo, dende dientro del área, que-y salía centráu, y atrapaba Adrián ensin demasiaos problemes. Y nel minutu 33, llegaría la meyor ocasión de los locales nésta primer parte, con un disparu del capitán Juan Carlos, qu'Adrián estena a córner con una bona parada. Nel minutu 44, llegaría'l gol psicolóxicu qu'abría'l marcador, tres un córner a favor del Ciares, la nuesa defensa estena'l balón, que-y cai a Manu Blanco na esquierda, ve la incorporación de Pablo Acebal pola derecha, y fai el cambéu de xuegu, Acebal recibe, avanza, y centra el balón al segundu palu, ónde llega Turzo, pa cabeciar, pillando a Davo a contrapié, y poner el 0-1 nel marcador. Y yá col tiempu cumplíu, y los locales tocaos pol gol en contra llegaía la postrera d'ésta primer parte, nun disparu de Kike Fanjul dende fora del área, que se va esviáu por bien pocu.


Empezaba la segunda parte, y los nuesos salíen más metíos, y nos primeru minutos consiguíen cerrar el partíu. Sicasí la primer ocasión sería pal Ceares, nel minutu 47, nuna internada pola derecha, que remata con un tiru rasu, qu'atrapa Adrián en dos tiempos. Nel minutu 50, llegaría'l segundu, córner que saca Guille Méndez, y el pichichi Claudio cabecia embaxo, esquináu al palu, Davo llega tarde ya intenta sacar el balón, pero yá había entráu, y establecía asina'l 0-2. Y 3 minutos más tarde, nel 53, pudo ampliar la so renta'l Unión, balón en llongura pa Luis Nuño, que regatia a Davo, y el porteru local baltalu, cometiendo penalti, l'encargáu de llanzalu yera como siempres Pablo Acebal, y unvia al palu, fallando asina'l so primer penalti cola nuesa camiseta. Nun habría más llegaes peligroses hasta'l 73, cuando'l local Cris remató dende dientro del área, esquinada, pero una bona espurrida d'Adrián evitó que los ciaristes amenorgaren la ventaya. Y yá nel minutu 88, llegaría la postrera del partíu, nuna xugada de Luis Nuño pola esquierda, que pasa al mediu pa Jairo, pero Beni estena na llínea de gol el remate del estremu llavianés, evitando'l terceru. Con ésta victoria siguimos 4º una selmana más, el próximu partíu vamos recibir en Ganzábal al Llanes, que ta na zona media de la clasificación, coles mires de consiguir otra victoria, que nos dexe siguir na zona alta.


viernes, 4 de diciembre de 2015

Resumen 13ª Xornada de Lliga

U.P. LLANGRÉU   0   CACAUDAL DEP   0

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-JOAQUÍN, 5-NUÑO ©, 6-KIKE FANJUL, 7-NACHO CALVILLO, 8-CAYARGA, 9-CLAUDIO, 10-GUILLE MÉNDEZ, 11-VIESCA

CAMBIOS: TURZO x KIKE FANUL (69´), LUIS NUÑO x GUILLE MÉNDEZ (69´), BORJA FDEZ x CAYARGA (80´)

GOLES: 

ÁRBITRO: NIETO MARTÍNEZ (HABILÉX), MUY MAL (TULLIDO MENTAL). AMONESTÓ A LOS LOCALES JOAQUÍN, KIKE FANJUL, NUÑO, MANU BLANCO, Y NACHO CALVILLO EN DOS OCASIONES, CON SU CORRESPONDIENTE EXPULSIÓN NEL MINUTU 82, Y A LOS VISITANTES ANNUNZIATA, CRISTIAN, NOEL ALONSO, OWONA E IVÁN FERNÁNDEZ

Partíu correspondiente a la décimu tercer xornada de lliga, recibíamos la visita del Caudal, nel derby de les cuenques, tres años más tarde, los visitantes llegaben líderes, y afarando nésti primer terciu de lliga, pero'l partíu tuvo un xuegu clásicu de los derbys, con poques llegaes, y munches interrupciones, a la fin empate ensin goles, que satisfai a dambos equipos, el Caudal caltiense líder, y el Unión consigue volver metese en puestos de play-off tres delles xornaes, aprovechando la derrota del Condal.


Empezaba'l partíu con un ambiente d'otra categoría, 1330 espectadores nes graes. Pero con un xuegu trabáu, y ensin que nengún de los dos equipos pudiera llevar la manija del partíu. La primer ocasión del partíu sería pa los caudalistas, nel minutu 17, cuando Javi Sánchez internase nel área, tres un gran pase de Anunnziata, pero'l disparu del delanteru visitante esténalu a córner Adrián, col pie. Nun habría ocasiones peligroses hasta'l minutu 37, cuando'l Unión tendría la primera, bona xugada de Pablo Acebal pola derecha, el so centru esténalu la defensa visitante, y Manu Blanco engabita cola esquierda, dende fora del área, pero'l so llanzamientu va raspiando el llargueru de la portería de Bussman. Nel minutu 42, el delanteru lleonés Claudio cabeciaba un centru de Viesca dende la esquierda, pero Bussman atrapaba'l remate. Y en el 43, llegaría la postrera d'ésta primer parte, nuna contra del Caudal, que acaba Iván Fernández, con un derechazu a palu camudáu, que sal fora por bien pocu. Ensin más llegábamos al descansu.


Empezaba la segunda parte, y habría entá menos ocasiones peligroses que na primera, el xuegu siguía trabáu, y el mal faer del árbitru dexaba que los visitantes pudieren entrar muncho más agresivo que los nuesos, ensin ser amonestados por ello. El Unión salía munchu más enchufáu, y frutu d'ello llegó la primer ocasión d'ésta segunda parte, nel minutu 48, nuna bona xugada de Cayarga pola esquierda, que pasa tras, y Kike Fanjul dispara de primeres, según lléga-y, pero Cristian, baxo palos, estena a córner. Tendríen otra más los nuesos, 5 minutos más tarde, nun saque d'esquina botáu por Calvillo, que cabecia Joaquín, pero atrapa Bussman. Siguiría'l partíu trabáu, y nun habría ocasiones de gol hasta'l 77, cuando Iván Fernández fai una bona xugada pola derecha, en recibiendo de Jaime, y da el pase de la muerte al nuesu ex xugaor Annunziata, pero'l mediapunta caudalista, con tou al so favor, dispara raspiando'l llargueru. D'equí a la fin sólo cabe destacar la segunda mariella a Calvillo, nel minutu 82, por una acción na que nin siquier ye falta, por que toca el balón. Pero l'árbitru que yá -y espulsó en Tiuya, vuelve espulsalu, per segunda vegada ésta temporada, no que yá paez ser una tema personal. Ensin más acababa'l partíu, ónde consiguimos un puntu, contra un equipu que sigue cómo líder destacáu de la categoría, con ésti puntu, y la derrota del Condal en casa, metémonos yá en Playoff, siendo 4º, empataos col Condal, que ye 5º, a 3 puntos del Colunga, 3º, y a 8 y 9 d'Avilés y Caudal, 2º y 1º respectivamente. El próximu partíu vamos visitar La Cruz, pa enfrentanos al Ciares, nun partíu que va ser bien difícil, pero que vamos tener que ganar, si nun queremos volver a perder el puestu de play-off.

viernes, 20 de noviembre de 2015

Nueva tanda de pegadielles anticacaudalistes

A partir de güei teneís disponibles una nueva tanda de pegadielles con clara temática anti-cacaudalista. Pa consiguiles podeís pasar a buscales en los puntos de venta habituales o nel Ganzábal los díes de partíu.


jueves, 19 de noviembre de 2015

Pequeñu homenaxe al Llangréu B

Dende esti blog queremos facer un pequeñu reconocimientu a la gran trayectoría que lleva el nuesu filial no que va de lliga con tan sólo una derrota y yendo cá vegada a más.
GRAN TRABAYU EL DE TERENTE, LA XESTIÓN POR PARTE DE LA ESCUELA FÚBOL EULALIA LLANGRÉU Y COMU NON, LOS GUAJES.
A siguir asina tamos arguyosos de vosotros.




Semeyes cortexía del blog de JUAN HUERDO
http://elrinconindejuan.blogspot.com.es/

Fueya FD-178 Cacaudal DEP 14.11.15

Tornaba el derby de les Cuenques a Ganzábal tras unos años sin coincidir ambos equipos na misma categoría, defraudó en cuanto a xuegu pol miéu a encaxar en ambos equipos, pero no en cuantu ambiente de fúbol onde la afición llangreana paso por enriba la foriata nun dexando de alentar a los suyos durante los 90´. Nun pudieron con nos, les perres nun valen equí sólu pa ganar. ¡¡HALA UNIÓN!!. A siguir asina.
Dexamosvos con un cachu de la fueya onde destaca la entrevista al nuesu xugaor Carlos Viesca.



Resumen 12ª Xornada de Lliga

CLUB SIERO   0   U.P. LLANGRÉU   4

ALINEACIÓN: 1-ADRIÁN, 2-PABLO ACEBAL, 3-VIESCA, 4-JOAQUÍN, 5-NUÑO, 6-TURZO, 7-NACHO CALVILLO, 8-CAYARGA, 9-CLAUDIO, 10-LUIS NUÑO, 11-GUILLE MÉNDEZ

CAMBIOS: JAIRO x GUILLE MÉNDEZ (60´),BORJA FDEZ x CAYARGA (68´),FRAN x PABLO ACEBAL (75´)

GOLES: 0-1 GUILLE MÉNDEZ (7´), 0-2 CLAUDIO (24´), 0-3 NUÑO (63´), 0-4 JAIRO (85´)

ÁRBITRO: CORUJO MORÁN (XIXÓN), MUY BIEN. AMONESTÓ A LOS LOCALES ABEL, SAHA, YERAY, BRUNO Y MARIO Y AL VISITANTE VIESCA

Partíu correspondiente a la docena xornada de lliga, visitábamos el Bayu, pa midinos al Siero, tres el gran partíu ante l'Avilés, coles mires de consiguir otra victoria, pa llegar en racha al derby de les cuenques, y n'otru gran partíu de los nuesos, consiguimos una fácil goliada ante los sierenses, que nos dexa siguir al acechu de la parte alta. y llegar al derby nun gran estáu de forma.

Empezaba'l partíu, y los nuesos empezaben yá a apoderar, dende'l principiu, demostrando ser bien cimeros a los locales. La primer ocasión llegaría a los 3 minutos, con un balón llargu de Nuño sobre Guille Méndez, que centra al área, pero'l remate de Claudio vase alto. Y en el minutu 7 llegaría'l primeru, gran pase de Cayarga a la esquierda sobre Claudio, que se va del so marcador, y centra al área, Luis Nuño la toca, pega nun defensa, y queda muerta nel área pequena, pa que Guille Méndez marque a placer el 0-1. El Unión siguía enriba, y nel minutu 9, Luis Nuño fai una bona xugada pola esquierda, y pasa al mediu a Cayarga, pero el so disparu esténalu baxu palos Patón, evitando asina'l segundu. Nel minutu 15, l'árbitru anulaba per fora de xuegu un gol de Luis Nuño, que remataba un centru de Claudio. Y en el 18 el Siero tuvo'l so primer acercamientu, con un disparu de Edu, dende fora del área, qu'estenó Adrián con apuros. Nel minutu 22, gran pase de Cayarga a la derecha, que dexa a Guille Méndez solu ante Cano, pero intenta regatiar al porteru, y quédase ensin ángulu, fallando la ocasión. Y dos minutos más tarde, nel 24, llegaría'l segundu, Patón entretiense col balón, y Claudio róbala, regatia a Adolfo, y bate por baxu a Cano, pa poner el 0-2, y consiguir asina'l so 7º gol en lliga. A partir d'equí'l Unión siguió col dominiu, pero matenía el balón nel centru ensin acercamientos peligrosos al área, y ensin dexar tampoco al Siero xenerar peligru, yá nel minutu 45, un centru de Luis Nuño dende la esquierda, yera rematáu de cabeza por Guille Méndez al palu, y ensin más acababa la primer parte.

Empezaba la segunda parte, y tou siguía igual, col Unión controlando'l partíu, y el Siero tornando la envernada como podía, anque nésta segunda parte, los locales tuvieron dalgún acercamientu más que na primera. La primera d'ésta segunda parte foi pa los nuesos, nel minutu 56, gran pase al buecu, ente llínees de Calvillo, pa Guille Méndez, que sólu ante Cano remata raspiando'l llargueru. Y nel 63, llegaría'l terceru, Cayarga saca en curtiu un córner, sofitándose en Luis Nuño, que-y devuelve'l balón, pa que centre rasu al cantu del área, Jairo controla, pero escápase-y, y queda muerta nel cantu del área, ónde la engabita Nuño de volea, pa ponela xuntu al palu, llueñe del algame de Cano, pa establecer el 0-3. Nel minutu 74, Abel saca de forma maxistral una falta cerca del área, pero Adrián estena con una gran parada. Y nel 84, otra bona ocasión pa los locales, bona xugada de Mario pola derecha, que regatia a Nuño y Viesca, pero'l so disparu tocalu Adrián, y dempués estréllase nel palu. Y en la siguiente xugada llegaría l'últimu gol del partíu, pase al buecu de Calvillo pa Jairo, que sólu ante Cano tocala rasa, esquinada al palu, llueñe del algame del meta local, pa faer el so primer gol de la temporada, y cerrar la goliada, col definitivu 0-4. Ensin más acababa un partíu que foi más cómodu de lo esperao, con ésti trunfu siguimos en 5ª posición, con 24 puntos, a 1 puntu de Condal y Colunga, que son 3º y 4º respectivamente, y vamos cargaos de moral pal próximu partíu, que vamos recibir en Ganzábal al Cacaudal, nel derby de les cuenques.

Resumen 11ª Xornada de Lliga

U.P. LLANGRÉU   2   (ir)REAL AVILÉS   1

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-PELAYO, 5-NUÑO, 6-TURZO, 7-GUILLE MÉNDEZ, 8-KIKE FANJUL, 9-CLAUDIO, 10-CAYARGA, 11-VIESCA

CAMBIOS: BORJA FDEZ x CLAUDIO (59´), LUIS NUÑO x VIESCA (67´), JAIRO x GUILLE MÉNDEZ (73´)

GOLES: 0-1 CRISTIAN (8´), 1-1 CLAUDIO (52´), 2-1 PABLO ACEBAL (P)(88´)

ÁRBITRO: ALONSO DE LA LAMA (UVIÉU), BIEN. AMONESTÓ A LOS LOCALES NUÑO, MANU BLANCO, CAYARGA, Y KIKE FANJUL, EN DOS OCASIONES, CON SU CORRESPONDIENTE EXPULSIÓN EN EL MINUTO 53, Y A LOS VISITANTES FIDALGO, NACHO FDEZ, CRISTIAN, JORGE SÁEZ Y OTERO

Partíu correspondiente a la undécima xornada de lliga, recibíamos al Real Avilés, nun duelu de gran rivalidá, el partíu yera complicáu, ya que los blanquiazules solo perdieren un partíu, pero los nuesos fixeron un partíu bien bonu, y fueron cimeros claramente a los avilesinos durante los 90 minutos. A la fin namá se ganó 2-1, y con sufrimientu, pero la resultancia foi demasiáu curtiu, pa los merecimientos de dambos equipos.


Empezaba'l partíu con igualdá, anque los nuesos queríen más la pelota, a los 2 minutos avisaba Cayarga, con un llanzamientu de falta que se diba raspiando'l llargueru. Y nel minutu 8, l'Avilés pasaba per primer vegada de mediu campu, y na so única llegada al área en tol partíu adelantrábense nel marcador, balón en llongura de Méndez pa Jorge, que se va en velocidá de Nuño, y asiste a Cristian al mediu, qu'en fora de xuegu bate por baxu a Adrián, pa poner el 0-1. El gol fixo que l'Avilés diera un pasu más tras, y el Unión pasó a apoderar totalmente l'alcuentru, ensin noticies n'ataque del Avilés. Nel 17, teníala Viesca, nun centru al segundu palu de Guille Méndez, pero'l so remate foise esviáu por pocu. Nel minutu 22, sería Cayarga, el meyor de los nuesos, el que lo volvería a intentar, con un llanzamientu de falta, que Guillermo estena con una bona parada. Otra más de Cayarga, nel 28, que remata dende dientro del área un pase de Viesca dende la esquierda, pero'l balón estrelláse nel palu y va a saque de puerta. Nel minutu 31, Turzo nun llegaría por bien pocu a rematar en boca de gol un centru de Viesca dende la esquierda, tres una gran xugada personal. Y darréu, el partíu deteníase durante 5 minutos, por una lesión muscular del árbitru, que dempués pudo siguir ensin problemes hasta'l final. Dempués del parón baxó un pocu la intensidá, y solo cabe destacar un disparu de Cayarga dende'l cantu del área, que detien Guillermo. Ensin más díbamos al descansu, cola sensación de que se nos taben escapando 3 puntos.


Empezaba la segunda parte col mesmu guión qu'acabara la primera, col Unión apoderando, teniendo totalmente la posesión del balón, y l'Avilés atrincheráu nel so área, defendiendo casi colos 11 xugadores. Nel minutu 48, Guille Méndez entra pola derecha, y el so disparu esténalu Guillermo, cayéndo-y el refugue a Manu Blanco, que dispara fora, cerca del palu. Y nel minutu 52, llegaría por fin el gol del empate, Claudio abre a la esquierda, sobre Viesca, que tres un regate centra al área, Turzo dexa de cabeza, y Claudio entra con tou pa rematar a gol, y poner el 1-1, consiguiendo asina'l so 6º gol en lliga. Na siguiente xugada, nel minutu 53, Kike Fanjul vía la segunda mariella, por un leve contactu con un rival, dudosa falta, y bien rigorosa la espulsión del nuesu mediocentru, quedaba casi tola segunda parte, y cuando más cerca tábamos de la remontada quedábamos con unu menos, pero ésta espulsión nun camudó'l partíu, que siguió como taba, col Unión apoderando, y l'Avilés defendiendo como podía, ya intentando salir a la contra, pero ensin pasar de mediu campu, Adrián podía habese quedáu en casa, porque los avilesinos nun s'averaron pela so portería. Nel 57, bona xugada de Cayarga, que se va de tolos rivales que-y entren, y da a Claudio, pero'l so remate vase esviáu. Nel 68, magnífica galopiada per banda de Pablo Acebal, que se va de dellos contrarios, y gana llínea de fondu, da'l pase de la muerte tras a Luis Nuño, pero'l so disparu pega nun defensa, el refugue cai-y a Borja Fdez, y el so disparu detienlu Guillermo. Nel 71, ye Nuño quien remata de tacón un córner sacáu por Cayarga, pero'l balón va raspiándose el palu. Y nel 77, un recién entráu Jairo, vase en velocidá de la defensa visitante, pero'l so disparu dende dientro del área, detienlu Guillermo. Y nel minutu 88, llegaría la xugada definitiva, nuevamente Cayarga díbase de dellos contrarios, y cuando entra nel área, ye baltáu por Otero, señalando l'árbitru'l claru penalti del nuesu ex central, durante el partíu la defensa avilesina solo pudo parar a Cayarga por mediu de faltes, d'echo les 5 marielles que recibió l'Avilés fueron por faltes sobre Cayarga. Pablo Acebal sería l'encargáu del llanzamientu, y consiguía el gol, engañando a Guillermo. D'equí a la fin nun habría más ocasiones destacables, y el partíu acababa con xusticia nel marcador, quedando los 3 puntos en casa, anque la resultancia debería de ser muncho más ampliu, gran trabayu de los nuesos güei, siendo cimeros con 10 xugadores, y trunfu que carga de moral a la plantiya, pal próximu compromisu, la visita al Bayu, pa midinos al Club Siero.

Resumen 10ª Xornada de Lliga

C.D. TIUYA   2   U.P. LLANGRÉU   1

ALINEACIÓN: 1-ADRIÁN, 2-JOAQUÍN, 3-MANU BLANCO, 4-PELAYO, 5-NUÑO ©, 6-TURZO, 7-NACHO CALVILLO, 8-CAYARGA, 9-CLAUDIO, 10-LUIS NUÑO, 11-GUILLE MÉNDEZ

CAMBIOS: PABLO ACEBAL x GUILLE MÉNDEZ (63´), KIKE FANJUL x LUIS NUÑO (74´), VIESCA x MANU BLANCO (82´)

GOLES: 0-1 GUILLE MÉNDEZ (13´), 1-1 PELAYO (PP) (46´), 2-1 VILLA (55´)

ÁRBITRO: CRUZADO VICENTE (UVIÉU), DELEZNABLE. AMONESTÓ A LOS LOCALES MENESES Y FRAN MEXI, Y A LOS VISITANTES TURZO, NUÑO, MANU BLANCO, PELAYO Y CALVILLO, ÉSTE ÚLTIMO EN DOS OCASIONES, CON SU CORRESPONDIENTE EXPULSIÓN, EN EL MINUTO 71

Partíu correspondiente a la décima xornada de lliga, visitábamos el complicáu campu del Candín, pa midinos a un Tiuya con delles baxes, coles mires de ganar pa metenos nuevamente en play-off, gracies a les pinchaes de los nuesos rivales, pero nun pudo ser, nuevamente los erros defensivos condérguennos, y los llamentables 10 primeros minutos de la segunda parte, fixéronnos perder el partíu. Tamién l'árbitru contribuyó a la victoria local, siendo bien permisivu coles faltes locales, y nun dexando a los nuesos nin averase a los rivales. Con ésta derrota siguimos 5º a 3 puntos de play-off, ya que´l Condal tamién perdió.



Empezaba'l partíu con dominiu de los nuesos, que fixeron una gran primer parte, siendo cimeros al Tiuya. Asina a los 2 minutos llegaba la primer ocasión pal Unión, con un gran pase de Claudio, que dexa sólu a Guille Méndez, pero José estena'l so llanzamientu. Nel minutu 13, llegaría'l 1-0, balón de Turzo en llargu, a la derecha, pa Guille Méndez, que saca un potentísimu derechazu a palu camudáu, que va directu a la escuadra, imposible de parar pal porteru local José. La única llegada peligrosa del Tiuya nésta primer parte sería un llanzamientu de falta d'Álvaro Pozo, dende la frontera del área, nel minutu 16, qu'Adrián estenó a córner, cuando'l balón buscaba la escuadra. D'equí al descansu nun habría más ocasiones destacaes, el Unión tenía más posesión, y el Tiuya intentaba llegar al área con balonazos llargos, pero ensin aciertu.

Empezaba la segunda parte, y como suel ser habitual, los nuesos salen dormíos, faciendo unos llamentables primeros 10 minutos, lo que nos costó el partíu. Ésta segunda parte yá tuvo'l xuegu típicu de tolos partíos del Candín, con balonazos llargos. Cuando solo escurría'l minutu 46, Luis Enrique abre'l balón a la derecha, ellí entra Pablo Suárez, que centra rasu al área, y Pelayo nel so intentu d'estene sospriende a Adrián, introduciendo'l balón na so propia portería, pa igualar el partíu. Xugada desgraciada que nos faía perder la renta que consiguiéramos na primer parte. Los nuesos nun reaccionaben al gol, y durante los primeres 10 minutos d'ésta segunda parte'l Tiuya apoderó l'alcuentru, hasta que nel 55, atopaba'l frutu a ésti dominiu, saque de banda de Meneses llargu, y Villa cabecia dende dientro del área, esquináu al palu, imposible p'Adrián, que nun llega, y 2-1 pa los locales. A partir d'equí'l Unión fue en busca del empate, pero nun foi capaz, tamién empezaría'l recital del árbitru, con tarxetes absurdes pa los nuesos, y permitiendo-y lo absolutamente tou al Tiuya. Nel minutu 73, Cayarga recibe un gran pase de Claudio, quedando nel manu a manu con José, pero'l so intentu de vaselina esbaratalu el porteru local. Nuevamente Cayarga sería protagonista nel 80, cabeciando un centru d'Acebal dende la derecha, pero saló-y fluexu y José atrapa ensin problemes. Yá col tiempu cumplíu, nel 90, el Unión tendría otra gran ocasión, tres un saque d'esquina de Cayarga, al segundu palu, que Joaquín cabecia al esterior de la rede, cuando yá se cantaba'l gol. Y la postrera del partíu llegó nel 93, n'otra internada d'Acebal pola derecha, que centra al segundu palu, y Viesca llibre de marca, cabecia al mediu, deteniendo José ensin problemes. Asina acababa'l partíu, con una resultancia inxusta pa los nuesos, viendo'l desenvolvimientu del partíu, y otra vegada más saliendo mal del descansu, y encaxando goles al entamu de la segunda parte, va haber que correxir eso, pa siguir aspirando al play-off. Siguimos en 5ª posición, a 3 puntos del play-off, y el próximu partíu vamos recibir al Avilés, nun partíu perimportante de cara al nuesu futuru clasificatoriu.  

martes, 17 de noviembre de 2015

Resumen 9ª Xornada de Lliga

U.P. LLANGRÉU   4   C.D. MOSCONIA   0

ALINEACIÓN: 1-ADRIÁN, 2-PABLO ACEBAL ©, 3-MANU BLANCO, 4-JOAQUÍN, 5-PELAYO, 6-TURZO, 7-GUILLE MÉNDEZ, 8-KIKE FANJUL, 9-CLAUDIO, 10-CAYARGA, 11-VIESCA

CAMBIOS: NACHO CALVILLO x TURZO (60´), LUIS NUÑO x CLAUDIO (64´), JAIRO x CAYARGA (70´)

GOLES: 1-0 CAYARGA (5´), 2-0 VIESCA (40´), 3-0 CLAUDIO (48´), 4-0 LUIS NUÑO (88´)

ÁRBITRO: MATA ARECES (UVIÉU), MAL. AMONESTÓ A LOS LOCALES TURZO Y JOAQUÍN Y A LOS VISITANTES OMAR, YONI, DIEGO JOSÉ Y VÁZQUEZ

Partíu correspondiente a la novena xornada de lliga, recibíamos al Mosconia, equipu de la zona baxa, nun partíu algamadizu sobre'l papel, pero cola alcordanza del empate ensin goles del postreru partíu en casa ante'l Roces, anque nésta ocasión fixo un gran alcuentru, y acabamos goliando a los moscones, ésti trunfu déxanos retayar dos puntos respecto al play-off d'ascensu.

Empezaba'l partíu, con posesión de los nuesos, y gol tempraneru, lo que fixo que'l partíu fuera bastante cómodu. A los 5 minutos, el Mosconia realiza una falta nel cantu del área, Berto Cayarga yera l'encargáu de llanzala, y agospia el balón na escuadra, faciendo inútil la espurrida de Dani, pa poner el 1-0 nel marcador. El Mosconia espurrió llínees, y llego en dos ocasiones con bastante peligru a la portería d'Adrián, la primera foi nel minutu 20, nuna doble ocasión, tres una mala salida del nuesu porteru, Joaquín saca baxu palos un remate de Vázquez, el refugue cai-y a Polo, y el so disparu estréllase nel llargueru. Tan solo un minutu más tarde, nel 21, Adrián emplégase a xeitu, pa estenar a córner una bona falta llanzada por Aitor Segovia. Nel 27, sería nuevamente Cayarga, el que probaría fortuna con otra falta, ésta vegada foise raspiando'l llargueru. Y en el minutu 32, llegaría'l primer gol anuláu de la tarde, Cayarga realiza una gran xugada pola esquierda, dispara de vaselina, superando a Dani, y cuando el balón paecía qu'entraba, Viesca cabecia baxu palos, señalando'l linier posición adelantrada del estremu. Nel minutu 40, llegaría'l 2-0, internada de Pablo Acebal pola derecha, centra al área, y Viesca, adelantrase al defensa, pa cabeciar a la rede, el segundu de los nuesos. Antes del descansu, habría tiempu pa otru gol más anuláu, nel minutu 43, tres un saque de falta de Cayarga, que Turzo controla sólu nel área, y asiste a Viesca, que marca a puerta vacia, pero nuevamente'l linier señala fora de xuegu, nuna xugada dudosa, ya que Turzo pue tar en posición dudosa, pero'l linier señala fora de xuegu de Viesca, qu'en nengún casu taba, porque'l pase de Turzo diba hacia tras. Ensin más acababa una primer parte, na qu'el Unión foi bien cimeru al Mosconia, y llevábase una bona renta al descansu.


La segunda parte empezaba con un Unión que nun quería sorpreses como n'otros partíos, asina llegaba'l gol que sentenciaba definitivamente'l partíu, nel minutu 48, tres un barullu nel área, Claudio regatia bien a un contrariu, p'asitiala rasa, esquinada al palu, llueñe del algame de Dani, y poner el 3-0 nel marcador, gran gol del delanteru lleonés, que yá suma 5. Nel minutu 60, y tres otru saque de falta de Cayarga, Turzo cabeciaba raspiando'l palu. Luis Nuño entró al campu con fame de gol, y nel minutu 68, cabeciaba raspiando'l llargueru un centru de Manu Blanco dende la esquierda. Nuevamente nel 75, intentarialo Luis Nuño, pero ésta vegada, el so bon disparu a palu camudáu estenábalu Dani, con una intervención de muchu méritu. Nel minutu 82, llegaría otru gol más anuláu per fora de xuegu, y otra vegada a Viesca, tres una falta colgada al área, sobre Luis Nuño, que garrasti al estremu, que marca a placer, pero nuevamente'l linier llevanta'l banderín. Y como a la tercera va la vencida, Luis Nuño consiguiría'l so gol nel minutu 88, pase en fondura de Pelayo, enriba, al desmarque de Luis Nuño, que nel mano a mano con Dani crucia rasa, pa poner el definitivu 4-0 nel marcador. D'equí a la fin namás destacable, nun partíu apoderáu polos nuesos de principiu a fin, nel qu'inclusive la resultancia foi demasiáu curtiu. Éstos tres puntos déxennos siguir en 5ª posición, con 18 puntos, a 3 del Condal, que marca los puestos de play-off, el próximu partíu vamos visitar el perdifícil campu del Candín, pa enfrentanos al Tiuya.

EL FILIAL, de la 6ª a la 9ª Xornada de Lliga

El Llangréu Promeses sigue firme en su pasu hacía el ascensu a primera rexional de la mano de Terente. Tras un terciu de competición xugao, sólo perdieron un partíu escontra el colexu Riañu en Villa (atracu arbitral included) y a parte de desplegar un bon xuegu tan faciendo estilles a los equipos que se yos presume un nivel paecío al suyu pasandoyos por encima (comu Lealtad B, San Jorge, Riosa, etc y los que vengan).
Vamos guajes tamos con vosotros, somos parte del Unión demostrailo en cada campu onde xugueís.
Felicitar tamién pola xestión de la cantera a los dirixentes y entrenaores de la escuela de fúbol base Eulalia-Llangréu, dende equí.


martes, 3 de noviembre de 2015

Fueya FD-177 (Ir)Real Habiléx 01.11.15

QUE PASE EL SIGUIENTE, EQUÍ VOS ESPERAMOS
#GANZÁBAL RESISTE
# LLANGRÉU RESISTE
HALA UNIÓN ME CAGÓN ...




Resumen 8ª Xornada de Lliga

UVIÉU "B"   0   U.P. LLANGRÉU   1

ALINEACIÓN: 1-ADRIÁN, 2-PABLO ACEBAL ©, 3-MANU BLANCO, 4-JOAQUÍN, 5-PELAYO, 6-TURZO, 7-GUILLE MÉNDEZ, 8-KIKE FANJUL, 9-CLAUDIO, 10-CAYARGA, 11-VIESCA

CAMBIOS: LUIS NUÑO x CAYARGA (71´), BORJA FDEZ x CLAUDIO (87´), NUÑO x VIESCA (89´)
GOLES: 0-1 CLAUDIO (25´)

ÁRBITRO: IGLESIAS HORTAL (XIXÓN), FATAL. AMONESTÓ AL LOCAL ALLYSON, Y A LOS VISITANTES PABLO ACEBAL, MANU BLANCO, PELAYO, BORJA FDEZ, JOAQUÍN Y KIKE FANJUL, EXPULSÓ CON ROJA DIRECTA AL LOCAL EDU CORTINA EN EL DESCUENTO, POR INSULTAR AL LINIER

Partíu correspondiente a la octava xornada de lliga, visitábamos el Requexón, nun complicáu partíu, pero cola necesidá de ganar, tres los dos inesperaos tropiezos de les xornaes anteriores, a la fin consiguiéronse los 3 puntos, con bastante sufrimientu na segunda parte, y siguimos al acechu de los puestos de play-off.

Empezaba'l partíu con dominiu del Unión, y el Vetusta qu'intentaba xenerar peligru a la contra, anque nesta primera parte les úniques acciones peligroses de los locales llegaríen a balón paráu. La primera del partíu ye pa los nuesos, nel minutu 11, nun remate de cabeza de Joaquín, tres un saque d'esquina, que s'estrella nel llargueru. Nel 18, llegaría la primera pa los oviedistas, nuna falta que saca Ibarra, buscando la escuadra, pero Adrián con una magnífica parada unvia'l balón a córner. Nel 20, otra bona ocasión pa los nuesos, ésta vegada nos pies de Guille Méndez, que recibía un precisu pase de Viesca, col esterior, pa encarar a Gorka, pero el porteru vascu estenó el su disparu. Y nel minutu 25, llegaría l'únicu gol del partíu, Guille Méndez entra pola derecha, pasa al área, y Claudio remata antemanándose a la defensa, pa bater a Gorka, y poner el 0-1 nel marcador. A la media hora d'ésta primer parte, intentaríalo nuevamente Ibarra de falta, pero otra vegada Adrián sacó una mano prodigiosa, pa unviar el balón a córner, en tocando'l llargueru. Y ensin más acciones destacaes llegábamos al descansu, con ventaya nel marcador.


La segunda parte sería totalmente distinta, ya qu'el Vetusta foise enriba con tou, en busca del empate, y los nuesos defendíense bien, pero apenes esmolieron a Gorka nésti periodu. La primer acción peligrosa de los locales llegaría nel minutu 49, nun llanzamientu de Allyson dende'l cantu del área, que s'estrelló nel palu. Nel 53, tendría llugar la única ocasión peligrosa pa los nuesos, nun disparu de Cayarga, dende fora del área, que se va raspiando'l llargueru. Otra vegada de falta, y otra vegada Ibarra pondría n'apuros a Adrián nel 59, pero'l nuesu porteru volvía estenar el llanzamientu. Anque ensin dulda, la meyor acción d'Adrián llegaría nel 64, gran xugada de Lucas per banda derecha, centra al área, y David González recibe de llombu, xírase, y remata a espetaperru, dende'l puntu de penalti, pero Adrián saca una fabulosa mano, pa estenar a córner, cuando tol campu yá vía'l gol del ariete local. Y tovía tendría otra'l vetusta, yá col tiempu cumplíu, nel 91, nun centru de Javi Álvarez al segundu palu, que remataba Iñaki, bien forzáu, y el balón diba al esterior de la rede. Ensin más acababa un partíu nel qu'acabamos pidiendo la hora, pero consiguiéronse 3 puntos perimportantes, pa siguir lluchando na zona alta, con ésti trunfu nos quedámos en 5ª posición, con 15 puntos, a 4 del play-off que marca'l Colunga.

Resumen 7ª Xornada de Lliga

U.P. LLANGRÉU   0   C.D. ROCES   0

ALINEACIÓN: 1-ADRIÁN, 2-JOAQUÍN, 3-MANU BLANCO, 4-PELAYO, 5-BORJA FDEZ ©, 6-TURZO, 7-PABLO ACEBAL. 8-KIKE FANJUL, 9-CLAUDIO, 10-LUIS NUÑO, 11-CAYARGA

CAMBIOS: VIESCA x JOAQUÍN (50´), LUIS x KIKE FANJUL (55´), GUILLE MÉNDEZ x LUIS NUÑO (75´)

GOLES: 

ÁRBITRO: BANIELA FERNÁNDEZ (AVILÉS), BIEN. AMONESTÓ AL LOCAL GUILLE MÉNDEZ

Partíu correspondiente a la séptima xornada de lliga, visitábanos el Roces, postreru clasificáu, nun partíu que paecía abondo algamadizu pa consiguir un nuevu trunfu como locales, pero nun pudo ser, mal partíu de los nuesos, y bien bona defensa de los xixoneses, qu'atrincheraos nel so área aguantaron como titanes hasta'l final el 0-0 inicial.

El partíu empezaba con control del Unión, pero ensin llegar con demasiao peligru al área visitante, el Roces defendíase bien, y tuvo la primera del partíu a los 7 minutos, nuna contra, con un balón en llargu sobre Chema, que crució demasiáu nel mano a mano con Adrián, saliendo raspiando'l palu. A los 20 minutos, llegaría la primera de los locales, nun saque d'esquina de Cayarga, que Claudio cabecia embaxo, pero'l porteru visitante Chus, atentísimu estena a córner col pie, nuna gran intervención. 5 minutos más tarde, nel 25, Luis Nuño prueba fortuna con un derechazu dende la frontera del área, pero sále-y demasiáu centráu, y Chus atrapala. Antes del descansu, nel minutu 40, Luis Nuño tendría otra oportunidá, nun remate de cabeza al segundu palu, pero Chus nuevamente estena'l remate del nuesu delanteru.



La segunda parte foi más aburrida que la primera, y anque los nuesos teníen la posesión de balón, nun consiguíen xenerar ocasiones de peligru, ya que los xixoneses atropaben munchos homes nel so propiu área, defendiendo un empate que yera oru pa ellos. La única acción de verdaderu peligru de los nuesos llegaba nel minutu 70, con un llanzamientu dende fora del área de Cayarga, esquináu al palu, que'l porteru visitante Chus estenaba a córner con otra gran parada. Yá casi col tiempu cumplíu, nel 90. El Roces tendría una ocasión a la contra, pero nun s'entendieron ente Amine y Baquero, y acabaron esbardiándola, ensin más acababa un partíu nel que inesperadamente dexamos dos puntos, y alloñámonos un pocu más de los puestos de play-off. El próximu partíu vamos visitar el complicáu campu del Requexón, pa enfrentanos al filial del Real Oviedo, nun partíu qu'ensin dulda va ser bastante complicáu, cola obligación de ganar, pa siguir acesmando los puestos de privilexu.

viernes, 30 de octubre de 2015

miércoles, 21 de octubre de 2015

Fueya FD-176 C.D. Mosconia 18.10.15

Como toles selmanes ya tenemos disponible la última fueya dixebriega. Dexamosvos con un resumen de la misma. ¡PUXA UNIÓN!





sábado, 17 de octubre de 2015

Nueva remesa de tazes disponibles

A partir de esti domingu, nes grades de Ganzábal, disponible una nueva remesa de tazes de café. A los dos modelos anteriores existentes, sumamos otru nuevu cola evolución de la camiseta del Unión col pasu de los años (como el del exemplu). Unidaes llimitaes y módicos precios. Entruga na nuesa fastera pa facete con una d´elles.


martes, 13 de octubre de 2015

Resumen 6ª Xornada de Lliga

U.D. XIXÓN IND.   0   U.P. LLANGRÉU   0

ALINEACIÓN: 1-ADRIÁN, 2-PABLO ACEBAL, 3-MANU BLANCO, 4-PELAYO, 5-JOAQUÍN, 6-BORJA FDEZ ©, 7-LUIS NUÑO, 8-TURZO, 9-CLAUDIO, 10-CAYARGA, 11-VIESCA

CAMBIOS: GUILLE MÉNDEZ x VIESCA (60´), LUIS x CAYARGA (81´)

GOLES: 

ÁRBITRO: GRANDA BARROS (AVILÉS), REGULAR. AMONESTÓ A LOS LOCALES HUGO, ÁLEX Y AITOR Y A LOS VISITANTES PABLO ACEBAL Y LUIS NUÑO


Partíu correspondiente a la sesta xornada de lliga, visitábamos El Frontón, col enfotu de consiguir el primer trunfu llueñe de Ganzábal, pero'l mala traza del terrén de xuegu, y la bona defensa local torgaron que'l marcador moviérase. Con ésti empate siguimos una selmana más fuera de los puestos de play-off.


Empezaba'l partíu, sobre un terrén impracticable, y apenes veríamos ocasiones de gol per parte de nengún equipu nésta primer parte, y les llegaes a los áreas yeren bastante escases. Adrián nun tocó'l balón en tol partíu, y el meta local Roberto, nésti primer tiempu l'únicu trabayu que tuvo foi atrapar balones aéreos que-y llegaben al área ensin problemes.
La segunda parte siguiría igual que la primera, pero nos intres finales los nuesos apertaríen un pocu más y asina llegaría los dos úniques ocasiones destacaes del partíu. Nel minutu 74, Claudio cabecia raspiando'l palu un centru de Cayarga dende la esquierda. Y en el minutu 85, tres un saque d'esquina tamién botáu por Cayarga, al segundu palu, Luis Nuño cabecia embaxo, pero Roberto realiza una gran parada col pie, pa estenar a córner, y evitar lo que paecía'l 0-1. Ensin más acababa un partíu nel que dexamos dos puntos, que paecíen algamadizos, contra un equipu xixonés qu'ocupa puestos de descensu, anque'l llamentable estáu del terrén de xuegu torgó que los nuesos pudieren ellaborar nenguna xugada durante el partíu, y víense obligaos a colgar balones. El próximu partíu vamos recibir al Roces, colista con tan solo un puntu, nun partíu que paez aparente pa vencer con cierta comodidá, y poder prestar al públicu.

EL FILIAL, 2ª y 3ª Xornada de Lliga

El Promeses sigue firme en su andadura pol grupu 3º de la Segunda Rexional y tras sólo ceder un empate a última hora en el siempre complicau campu del recién descendiu Iberia, sigue una selmana más al frente la clasificación empatau col filial del Lealtad y el Quintueles en una lliga onde les próximes 3 xornaes (Riañu fuera, Corbero en Ganzábal y Lealtad B fuera) antoxense determinantes pal devenir de los nuesos na competición. VAMOS GUAJES, TAMOS CON VOSOTROS.

Fueya FD-175 TSK Roces 04.10.15

Les seiciones habituales de la fueya destacando el güei falamos con Claudio y les cróniques del filial, entre otros.
Comu siempre disponible por 1 € baxu pidíu vía e-mail.